برا السالفةالأسئلة الشائعة
عن اللعبة
وش هي «برا السالفة»؟
لعبة جماعية أونلاين تلعبونها من المتصفح مباشرة. الكل يعرف السالفة إلا واحد، وهدفكم تكشفون مين اللي برا السالفة قبل ما يخمنها.
كم لاعب يقدر يلعب؟
من 3 لاعبين وفوق. الباقة المجانية تدعم حتى 6 لاعبين، ومع VIP يوصل العدد إلى 20 لاعب.
هل اللعبة مجانية؟
نعم، تقدر تلعب مجانًا. وفي باقات VIP اختيارية تفتح لك مزايا إضافية.
هل أحتاج أحمّل تطبيق؟
لا، تفتح الموقع من متصفح جوالك وتلعب مباشرة، بدون تحميل ولا تسجيل.
هل اللعبة مناسبة لجميع الأعمار؟
نعم، أجواؤها جماعية وتناسب جلسات العائلة والأصدقاء.
طريقة اللعب
كيف أبدأ لعبة مع أصدقائي؟
أنشئ غرفة وشارك رمز الغرفة أو الرابط مع أصدقائك، وكل واحد يدخل من جهازه.
هل كل لاعب يحتاج جهاز؟
نعم، كل لاعب يلعب من جواله. وتقدرون بعد تشغلون خاصية «اعرض اللعبة على شاشة» على شاشة كبيرة أو تلفزيون عشان الكل يتابع.
وش أنماط اللعب الموجودة؟
ثلاثة أنماط: «كلاسيكي» بالأسئلة والنقاش، و«الأجوبة» اللي كل لاعب يجاوب فيه بسرية، و«الرسم» اللي ترسمون فيه السالفة بالدور.
الحساب والتقدم
هل أحتاج حساب عشان ألعب؟
لا، تدخل وتلعب مباشرة. وتوثيق حسابك برقم الجوال اختياري، ويحفظ لك تقدمك وإنجازاتك.
هل أقدر أرجع لحسابي من جهاز ثاني؟
نعم، وثّق نفس الرقم على الجهاز الثاني ويرجع لك كل تقدمك تلقائيًا.
وش الفرق بين نسخة الويب والتطبيق؟
نسخة الويب نسخة مطورة مستقلة عن التطبيق، تلعبها بدون تحميل، وفيها أنماط حصرية جديدة مثل «الأجوبة» و«الرسم» غير موجودة في التطبيق.
هل تنتقل مشترياتي وتقدمي بين التطبيق والويب؟
كل نسخة لها طابعها وتجربتها الخاصة، فالتطبيق له أسلوبه ونسخة الويب لها أنماطها الحصرية، وكل وحدة تستمتع فيها بطريقتها. المشتريات والتقدم مستقلة لكل نسخة.
الـVIP والمشتريات
وش يميز الـVIP؟
الـVIP يفتح اللعب على مستوى ثاني: لين 20 لاعب بنفس الغرفة، نمطي «الأجوبة» و«الرسم»، المحادثة الصوتية داخل الغرفة، أكثر من واحد برا السالفة بنفس الجولة، وباقات سوالف إضافية. والأحلى؟ يكفي واحد VIP في الغرفة عشان تنفتح المزايا للجميع.
هل في تجربة مجانية للـVIP؟
نعم، 3 أيام VIP هدية عند توثيق رقم جوالك.
دفعت وما تفعلت الباقة، وش أسوي؟
تواصل معنا عبر واتساب الدعم وأرفق رقم العملية من إيصال الدفع، ونحلها لك.
هل أقدر أسترد المبلغ؟
المشتريات رقمية وتتفعل فور الدفع، لذلك هي نهائية. الحالات الاستثنائية موضحة في سياسة الاسترداد.
الدعم
كيف أتواصل معكم؟
عبر واتساب الدعم من زر «الدعم» في القائمة، وردنا عليك يكون بأسرع وقت.